Айни кунларда юртимиздаги кўплаб болакайлар ёзги таътилни турли оромгоҳларда ўтказаяптилар.
Болажонлар ёзги таътилни мароқли ва мазмунли ўтказишларини таъминлаш учун Ўзбекистон футбол Ассоциацияси Ўзбекистон касаба уюшмалари Федерацияси билан ҳамкорликда ҳар бир вилоятда футбол фестивалларини ташкил этишга қарор қилгани ҳақида аввал хабар бериб ўтгандик.
4-6 июль кунлари Бухоро шаҳридаги "Нефтчи" ёзги болалар дам олиш оромгоҳида мини футбол бўйича 10-12 ёшли ўсмирлар ўртасида “Ёз ўтмоқда соз” шиори остида футбол мусобақаси бўлиб ўтди.
Мусобақада болажонлар жамоаларга бўлинган ҳолда яшил майдонда беллашдилар. Мусобақа якунида ғолибларга ЎФА томонидан эсдалик совғалари тақдим қилинди.
