Франция терма жамоасининг собиқ футболчиси Патрис Эвра "Реал" ҳужумчиси Криштиану Роналдунинг "Ювентус"га ўтишига муносабатини билдирди.
"Мен Роналду билан бу мавзуда гаплашганим йўқ, аммо унга маслаҳатим: агар 2050 йилгача ўйнашни истасанг, "Ювентус"га ўт. У ўтиши керак бўлган бошқа жамоа йўқ. Ҳаммаси оддий.
"Манчестер Юнайтед"дан сўнг ўйнашда ва ғалаба қозонишда давом тганим учун "Ювентус"да миннатдорман. "Юве" доим юрагимда.
Криштиану, тўғри қарор қабул қил. Сени кўпчилик италияликлар севишини биласан. Агар "Ювентус"га ўтишга рози бўлсанг, тинимсиз ишлашингга тўғри келади. Шунчалар кўпки, таътил ҳақида унутасан.
Бу танловдир. Ёки 2050 йилгача ўйнайсан, ёки шунчаки ўйинашни тагатасан. "Юве"ни танласанг, кейинги жаҳон чемпионатига бош қаҳрамон бўлиб борасан", - дейди Эвра.
Эвра "Ювентус"да 2014дан 2017 йилгача ўйнаган.
