Франция терма жамоаси бош мураббийи ЖЧ-2018 мусобақаси бошланмасдан аввал ҳам ўз вазифасидан кетишни ўйламаган.
"Франция термасидан кетишни ўйламаганимга иккита сабаб бор. Биринчидан, мен ўз вазифамга маъсул инсонман. Олдимга қўйилган вазифани бажара олишимга ишончим бўлиши керак эди.
Иккинчидан, бу менинг президентимга ишонч ва ҳурмат масаласи эди. У аввал бошиданоқ менга 2020 йилгача ишонишини билдирган, шунинг учун мен бу ерда бўламан. Шунинг учун мени яна икки йил қўллаб-қувватлаш керак бўлади", - дейди Дешам.
Эслатиб ўтамиз, Дешам Франция терма жамоаси билан ЖЧ-2018 ғолиби бўлди.
