Британия нашрлари футбол бўйича 2022 йилги жаҳон чемпионати мезбонлиги учун рақобат тафсилотларини ҳақидаги маълумотга эга бўлишди.

Sky Sports нашрининг ёзишича, Қатар вакиллари ўз кампанияси учун Марказий разведка бошқармасининг собиқ ходимлари ва PR-фирмаларни ёллаган.

Sunday Times нашри эса Қатарни қора йўллардан фойдаланганликда айбламоқда. Нашр журналисти Нил Ҳендерсон нашрнинг янги сони анонсини ўз твиттарида келтирган, унга кўра Қатар жаҳон чемпионати мезбонлиги йўлидаги рақибларида имконият қолдирмаслик учун қора пиар орқали рақиблар ҳақида нохуш таассуротлар қолдиришга ҳаракат қилган.

Қатарнинг ЖЧ-2022 учун мезбонлиги тасдиқлаб бўлинган. Мундиал мезбонлиги учун АҚШ, Жанубий Корея, Япония ва Австралия ҳам даъвогарлик қилганди.

Бундан олдинроқ, Қатарда ЖЧ-2022 стадионлари қурилиши вақтида бир ҳафтада 12 ишчи ҳалок бўлгани ҳақида хабар тарқалганди.