Britaniya nashrlari futbol bo‘yicha 2022 yilgi jahon chempionati mezbonligi uchun raqobat tafsilotlarini haqidagi ma’lumotga ega bo‘lishdi.
Sky Sports nashrining yozishicha, Qatar vakillari o‘z kampaniyasi uchun Markaziy razvedka boshqarmasining sobiq xodimlari va PR-firmalarni yollagan.
Sunday Times nashri esa Qatarni qora yo‘llardan foydalanganlikda ayblamoqda. Nashr jurnalisti Nil Henderson nashrning yangi soni anonsini o‘z tvittarida keltirgan, unga ko‘ra Qatar jahon chempionati mezbonligi yo‘lidagi raqiblarida imkoniyat qoldirmaslik uchun qora piar orqali raqiblar haqida noxush taassurotlar qoldirishga harakat qilgan.
Qatarning JCH-2022 uchun mezbonligi tasdiqlab bo‘lingan. Mundial mezbonligi uchun AQSH, Janubiy Koreya, Yaponiya va Avstraliya ham da’vogarlik qilgandi.
Bundan oldinroq, Qatarda JCH-2022 stadionlari qurilishi vaqtida bir haftada 12 ishchi halok bo‘lgani haqida xabar tarqalgandi.