Бразилия терма жамоасининг собиқ футболчиси Ривалдо агар ҳозир тўп тепаётган бўлганида ўзининг "Олтин тўп"и биттадан ортиқ бўлиши мумкинлигини айтди.

"Агар ҳозир ҳам тўп тепаётган бўлганимда "Олтин тўп"им биттадан кўпроқ бўлар эди. Кураш Роналду ва Месси ўртасида кечмоқда, демак, бошқа ўйинчилар унчалик яхши эмас. Уларнинг голлари ўйнаган ўйинлари сонидан ортиқлиги ҳаммаси жойида эмаслигини кўрсатади.

Менга иккиси ҳам ёқади, аммо уларнинг бошқалардан устунлиги - Испанияда ҳаммаси жойида эмаслигидан дарак. Ҳозир савияли футболчилар аввалгидек кўп эмас", - дейди Ривалдо.