Эртага, 18 август Индонезияда Осиё ўйинлари мусобақасининг очилиш маросими бўлиб ўтади.
Ушбу мусобақада иштирок этиш учун Ўзбекистон спорт делегация Индонезиянинг Жакарта ва Палембанг шаҳарларига етиб келган.
Стартга бир кун қолганда ўзбекистонлик теннисчилар Палембанг шаҳрида эрталабки машғулотларда иштирок этдилар.
Маълумот ўрнида, очилиш маросими ўтказилгач, теннисчиларнинг рақиби ва қачон кортга чиқиш вақти белгиланади. Теннисчилар айни пайтда машғулотларни юқори кайфиятда якунлади. Ўйлаймизки, улар катта мусобақага тўлиқ тайёр ҳолатда.
Видеода Денис Истомин, Фарруҳ Дўстов, Санжар Файзиев, Жўрабек Каримов каби теннисчиларнинг Палембанг шаҳридаги Jakabaring Tennis Center’да тонгги машғулотларда иштирок этгани тасвирланган.
