"Арсенал"нинг собиқ ҳужумчиси Иан Райт "МЮ" клубининг ҳозирги аҳволи ва жамоа устози Жозе Моуриньо ҳақида фикр билдирди.
"Жозени ва унинг учинчи йил таназзули ҳақида биламиз. Унинг гапларини тинглай-тинглай, шундай фикрга бориш мумкинки, унинг ўзи ҳам бу фактни тан олган. Моуриньонинг ҳозирги ҳаракатлари унинг аввалги шуҳратига соя солмоқда. Бу "Арсенал"да охирги йилларини ўтказаётган Арсен Венгерни эслатмоқда. Одамлар "Арсенал"нинг талофатини кузатишган эди. "Манчестер Юнайтед" ҳам шу ҳолатга яқин.
Жозеда юксалиш йўқ, дейиш нотўғри. У Европа лигаси ва Лига Кубогини ютди, бу мавсумда АПЛда иккинчи ўринни олди. Аммо буларнинг ҳаммаси унинг футбол фалсафаси зарарига бўлмоқда. Бу ҳолатда ўйинчилар, мухлислар ва раҳбарият бахтиёр эмаслар. "МЮ" билан нимадир рўй бермоқда", - дейди Райт.
