Либерия президенти Жорж Веа “Арсенал”нинг собиқ бош мураббийи Арсен Венгерни юқори давлат ордени билан мукофотлади.
Веа Венгер билан биркаликда “Монако”да ишлаган. Юқори руҳда бўлиб ўтган тақдимот маросимида мингдан ортиқ инсонлар иштирок этди.
Ушбу унвонга яна франциялик мураббий Клод Ле Руа лойиқ деб топилди. Вақтида ушбу мутахассис Веани Венгерга тавсия қилган.
“Сиз бутун дунё бўйлаб шунингдек, Африкада ҳам ёш иқтидорларни кашф этишни бошқа йўлларини топдингиз ва уларга ўзингиз тўғри йўл кўрсатдингиз”, - дея тақдирлади Веа ўзининг собиқ устозини.
