"Арсенал" бош мураббийи Унаи Эмери 15 сентябрь кунги "Ньюкасл"га қарши ўйин олдидан фикрларини билдирди
"Бенитес - 2004 йилда АПЛда иш бошлаган биринчи испан мураббийи. Унда катта тажриба бор ва АПЛни ҳар бир рақибни яхши билади. Унинг жамоалари ҳар доим рақобатбардош бўлган. "Ньюкасл" ўз майдонида мухлислари билан жуда кучли.
Ҳозир менга "Ньюкасл"га қарши ўйин ва унда уч очко олиш ҳақида ўйлаш муҳимроқ. Кейин Европа лигаси ҳақида ўйлаймиз. Менинг ғоям ўйиндан ўйинга бошланғич таркибни ўзгартириб боришдан иборат эмас. Ҳар бир ўйин бизга АПЛ ва Европа лигаси ҳамда Кубок ўйинларида қандай ўйнашимиз ҳақида маълумот беради.
Мен шанба куни ғалаба қозонишни истайман, пайшанба ва келаси якшанба куни ҳам ютишни хоҳлайман. Ҳар бир ўйинни сабрсизлик билан кутаман ва қандай қилиб яхши ўйнаш ҳақида бош қотираман", - дейди Эмери.
