"Arsenal" bosh murabbiyi Unai Emeri 15 sentyabr kungi "Nyukasl"ga qarshi o‘yin oldidan fikrlarini bildirdi
"Benites - 2004 yilda APLda ish boshlagan birinchi ispan murabbiyi. Unda katta tajriba bor va APLni har bir raqibni yaxshi biladi. Uning jamoalari har doim raqobatbardosh bo‘lgan. "Nyukasl" o‘z maydonida muxlislari bilan juda kuchli.
Hozir menga "Nyukasl"ga qarshi o‘yin va unda uch ochko olish haqida o‘ylash muhimroq. Keyin Yevropa ligasi haqida o‘ylaymiz. Mening g‘oyam o‘yindan o‘yinga boshlang‘ich tarkibni o‘zgartirib borishdan iborat emas. Har bir o‘yin bizga APL va Yevropa ligasi hamda Kubok o‘yinlarida qanday o‘ynashimiz haqida ma’lumot beradi.
Men shanba kuni g‘alaba qozonishni istayman, payshanba va kelasi yakshanba kuni ham yutishni xohlayman. Har bir o‘yinni sabrsizlik bilan kutaman va qanday qilib yaxshi o‘ynash haqida bosh qotiraman", - deydi Emeri.
