Аввалроқ ўзбекистонлик ММА жангчиси Отабек Алиев Шахрихон туманида пичоқбозлик қурбонига айлангани ҳақида хабар берган эдик.
Ўзбекистон Республикаси Ички ишлар вазирлиги расмий сайти ушбу воқеа юзасидан расмий маълумот берди.
Унга кўра, 18 сентябрь куни Андижон вилоятининг Шаҳрихон туманида “Қоракўрпа” МФЙда яшовчи А.А. таниши Отабек Алиев бошқарувидаги “Кобальт” автомашинасида йўловчи сифатида кетаётган вақтида “Вахим” МФЙ ҳудудига етиб келганда А.А. ўрталарида келиб чиққан ўзаро жанжал сабаб Отабек Алиевга пичоқ билан жароҳат етказган.
Натижада О.А. шифохонага ётқизилиб, А.А. қўлга олинган. Ҳолат юзасидан жиноят иши қўзғатилган. Тергов ҳаракатлари олиб борилмоқда.
Шуни ҳам айтиб ўтиш жоизки, ИИВ Отабек Алиевнинг сўнгги ҳолати ҳақида очиқ маълумот бермаган. Аммо ишончли манбаларнинг Stadion.uz интернет нашрига хабар беришича, спортчи шифохонада вафот этган.
