Мадриднинг “Реал” клуби “Интер” ҳужумчиси Мауро Икардини олиб келишга уриниб кўради. Бу ҳақда transfermarketweb.com хабар бермоқда.
“Қироллик клуби” 25 ёшли футболчи атрофидаги вазиятни диққат билан кузатяпти. Футболчи жамоаси билан янги шартнома имзолашни рад этган эди. Мадрид клуби футболчини қишда олиб келишга тайёр.
Аввалроқ, Хулен Лопетеги жамоаси “Тоттенхэм” ҳужумчиси Харри Кейн ва “Челси” ярим ҳимоячиси Эден Азарга қизиқаётгани ҳақида хабар берган эдик.
Эслатиб ўтамиз, Икарди жорий мавсум “А” Серияда 6 та учрашувда 3 та гол уришга эришди.
