Наманганнинг “Навбаҳор” жамоаси “Бухоро” жамоасига қарши ўйинга тайёргарликни давом эттирмоқда. Кеча наманганликлар “Марказий” ўйингоҳда навбатдаги машғулотни ўтказдилар.
Бунга қадар жамоа машғулотларини истаган мухлислар кузатиш имконига эга бўлганди. Кечаги машғулот эса Андрей Канчельскиснинг талабига кўра ёпиқ эшиклар остида ўтди.
Маълумки, ҳар қандай мураббийнинг яширин қуроли бўлади. Айнан шундан келиб чиққан ҳолда кечаги машғулотлар ёпиқ тарзда ўтказилган.
“Юзага келган ноқулайлик учун мухлисларимиздан узр сўраймиз. Келгусида ҳам айрим машғулотлар ёпиқ эшиклар остида ўтказилиши кўзда тутилган. Ана шундай машғулотлар ҳақида олдиндан хабар бериб борамиз”, дея ёзади "Навбаҳор" ПФК матбуот хизмати.
