Тожикистон Республикаси мустақиллигининг 27 йиллигига бағишлаб Душанбе шаҳрида халқаро футбол мусобақаси ташкил қилинди.

Сирдарё болалар ва ўсмирлар футбол академияси ушбу мусобақага таклиф қилиниб, академиянинг 2004 йилда туғилган футболчилардан иборат жамоаси айни кунларда ушбу мусобақада иштирок этмоқда.

Юртимиз вакиллари мусобақанинг гуруҳ босқичида қуйидаги натижаларни қайд этишди:

Сўғд вилояти – Сирдарё БЎФА 2:2

ОМФМ (Олий маҳорат футбол мактаби) – Сирдарё БЎФА 0:3

Душанбе – Сирдарё БЎФА 0:6

Ушбу натижалардан сўнг Сирдарё футбол академияси жамоаси гуруҳда биринчи ўринни эгаллаб, ярим финалга йўл олди. Муросасиз ўтган ярим финал баҳсида Хатлон жамоаси 2:1 ҳисобида мағлуб этилди.

Финалда юртдошларимизни Сирдарё футбол академиясининг 2-турдаги рақиби ОМФМ жамоаси кутиб турибди.