Суперлига 27-туридан ўрин олган “Қизилқум” – АГМК (2:1) учрашувидан кейинги матбуот анжуманида жамоамиз бош мураббийи Ҳамиджон Актамов баҳс ҳақида тўхталди.
-Бугунги ўйинда футболчиларимиз яхши ўйин кўрсатиб, уч очкони қўлга киритдик. Мухлисларни ғалаба билан табриклайман. Олдимизда яна бир қатор муҳим учрашувлар бор. Бу беллашувларда ҳам ғалаба қозониб, ўз гуруҳимизни пешқадам сифатида якунлашга ҳаракат қиламиз...
Учрашувга тўхталатадиган бўлсам, голга тортадиган кўплаб вазиятларни яратидик. Фақат уларнинг иккитасидан самарали фойдалана олдик.
Иккинчи голдан меҳмонлар ташаббусни ўз қўлларига олишга ҳаракат қилишди. Орадаги фарқни қисқаритиришди ҳам. Аммо ғалабани сақлаб қола олдик. Олдимизга қўйилган мақсад сари одимлашда давом этамиз.