23 октябрь куни клублар ўртасидаги Осиё чемпионлар лигасининг ярим финали доирасида Эроннинг Персеполис ва Қатарнинг Аль-Садд жамоалари ўртасида учрашув бўлиб ўтди.
Мазкур баҳсда дуранг (1-1) натижа қайд этилиб, икки ўйин натижасига кўра, Хави сардорлигидаги Қатар клуби мусобақани ярим финалдаёқ тарк этди.
Мазкур жамоалар ўртасидаги илк учрашувда 1-0 ҳисоби қайд этилиб, Техрон клубининг қўли баланд келган эди.
24 октябрь куни Сувон Блюуингс (Ж.Корея) ва Кашима Антлерс (Япония) ўртасида иккинчи ярим финалнинг жавоб ўйини бўлиб ўтади. Улар ўртасидаги биринчи учрашувда японияликлар ўз майдонида зафар (3-2) қозонганди.
Осиё чемпионлар лигаси номи билан 16-маротаба ташкил этилаётган клублар ўртасидаги мусобақанинг ҳал қилувчи учрашуви 10 ноябрга белгиланган. Мусобақада ғолиб бўлган клуб келаси йил клублар ўртасида ўтказиладиган жаҳон чемпионатига йўлланмани қўлга киритади.
