Мадриднинг “Реал” клуби ярим ҳимоячиси Лука Модрич фаолиятини Италияда давом эттириши мумкин. Маълум бўлишича, хорватиялик футболчининг хизматига “Ювентус” қизиқмоқда.
Ушбу трансфер қишда ёки келаси ёзда амалга ошиши мумкин. Эслатиб ўтамиз, "кекса синьора" сафида 32 ёшли футболчининг собиқ жамоадоши Криштиану Роналду бор.
Аввалроқ, Модрич “Интер”га ўтиши тахмин қилинаётган эди. Унинг “қаймоқранглилар” билан тузган шартномаси 2020 йилгача мўлжалланган.
Маълумот учун, жорий мавсум Лука 15 ўйинда майдонга тушиб иккита голга ассисентлик қилди.