УЕФА миллатлар лигаси мусобақаси якунига етганидан сўнг Евро-2020 саралаш босқичи учун ташланадиган қуръа жараёнида жамоаларнинг саватчаларга ажратилиши аниқ бўлди.

Польша терма жамоаси кеча Португалия билан дуранг ўйнаши оқибатида 1-саватчадан ўрин олган бўлса, Германия 2-саватчага тушиб кетди.

1-саватча: Швейцария, Португалия, Голландия, Англия, Бельгия, Франция, Испания, Италия, Хорватия, Польша.

2-саватча: Германия, Исландия, Босния ва Герцеговина, Украина, Дания, Швеция, Россия, Австрия, Уэльс, Чехия.

3-саватча: Словакия, Туркия, Ирландия, Шимолий Ирландия, Шотландия, Норвегия, Сербия, Финляндия, Болгария, Исроил.

4-саватча: Венгрия, Руминия, Греция, Албания, Черногория, Кипр, Эстония, Словения, Литва, Грузия.

5-саватча: Македония, Косово, Беларусь, Люксембург, Арманистон, Озарбойжон, Қозоғистон, Молдова, Гибралтар, Фарер ороллари.

6-саватча: Латвия, Лихтенштейн, Андорра, Мальта, Сан-Марино.

Қуръа ташлаш маросими 2 декабрь куни Ирландиянинг Дублин шаҳрида бўлиб ўтади. Жамоалар 10та гуруҳга тақсимланади. Бешта гуруҳда 6тадан, қолган бешта гуруҳда эса 5тадан терма жамоа ўрин олади. Ўз гуруҳларида дастлабки 2та ўринни олган жамоалар Евро-2020 финал босқичи йўлланмасини қўлга киритади.

Қолган 4та йўлланма эса УЕФА миллатлар лигасида энг яхши натижа кўрсатган терма жамоаларга тақдим этилади.