Сантьяго Солари "Реал" билан шартнома имзолаганига қадар бош мураббий вазифасини бажарувчи сифатида кетма-кет 4та ўйинда ғалаба қозонган эди. Аммо мутахассис клубнинг расман бош мураббийига айландию, кутилмаганда қақшатқич зарбага учради.

Ла лиганинг 13-поғонасида бораётган "Эйбар" 13-тур доирасида "Қироллик клуби"ни ўз майдонида қабул қилиб, йирк ҳисобда ғалаба қозонди. Бу "митти клуб" номдор рақибни ҳар томонлама мағлубиятга учратди. Солари шогирдлари "Эйбар" қаршисида ҳеч нарса қила олишмади.

Баҳснинг 16-дақиқасида мезбонлар томонидан урилган голни рефери дастлаб лайнсменга ишониб инобатга олмаганди. Аммо VAR тизими офсайд йўқлигини аниқлаб берди ва ҳисоб очилди. Майдон эгалари бутун ўйин давомида дадил ўйин кўрсатди.

Айниқса, иккинчи бўлимнинг дастлабки 15 дақиқаси ичида "Эйбар" мадриддикларни икк марта жазолади. Мезбонлар футболчиси рақиб жарима майдончаси яқинида Одриосоладан тўпни олиб қўйиб, Энрични зарбавор вазиятга чиқди. Серхининг зарбасини Куртуа қайтара олмади. Орадан 5 дақиқа ўтиб меҳмонлар ҳимоячилари ва дарвозабоннинг суст ҳаракати туфайли Кике Гарсия учинчи голни урди.

Шундан сўнг ҳам хавфли вазиятлар яратиш бўйича устунлик "Эйбар" томонида бўлди. Улар яна икки марта "Реал" дарвозасини ишғол қилишлари мумкин эди, аммо уларга омад етишмади. Боз устига, мадридликлар 0:3дан кейин таслим бўлиб улгурганди.

"Эйбар" ушбу ғалабадан кейин ўз очколарини 18тага етказиб олган бўлса, "Реал"нинг очколари 20талигича қолди.

Испания Ла лигаси, 13-тур
"ЭЙБАР" - "РЕАЛ МАДРИД" 3:0 (1:0, 2:0)
Голлар: 1:0 – 16 Эскаланте, 2:0 – 52 Энрик, 3:0 – 57 Кике.
Эйбар – Риесго, Кукурелья, Рамис, Паулу Оливейра, Пенья, Орельяна (Альварес, 83), Эскаланте, Жордан, Хосе Анхель, Энрик (Шарлес, 74), Кике (Де Бласис, 88).
Реал Мадрид – Куртуа, Варан, Марсело, Одриосола (Карвахаль, 54), Рамос, Модрич (Иско, 63), Кроос, Асенсио (Винисиус Жуниор, 74), Себальос, Бэйл, Бензема.
Огоҳлантиришлар: Кукурелья (33), Жордан (36), Бэйл (44).