Англия чемпионати 13-туридан ўрин олган ўйинда “Тоттенхэм” “Челси”ни 3:1 ҳисобида таслим этди.
Шу тариқа, “кўклар” бош мураббийи Маурицио Сарри Премьер-лигадаги илк мағлубиятини қабул қилиб олди.
Икки ҳафта аввал италиялик мутахассис дебют мавсумида кетма-кет мавсум стартидаги 12 та ўйинда ютқазмай рекорд ўрнатганди.
Эслатиб ўтамиз, “кўклар” Сарри қўл остида 13 та ўйинда 8 та ғалаба, 4 та дуранг ва 1 марта мағлуб бўлишди.