Хоразмга катта футбол қайтмоқда дея хабар беради ПФЛ бош директори ўринбосари Диёр Имомхўжаев ижтимой тармоқлардаги саҳифаси орқали.
“Хоразмда яхши бир стадион бор. Бироқ у ташландиқ аҳволда. Кўринишидан, энди яхши бўлади.
Асли хоразмлик бўлган катта амалдорлардан бири “Хоразм” футбол клубига ҳам эътиборини қаратди. Норасмий маълумотларга кўра, стадион учун “Пахтакор”никидек чим харид қилинган. Энди юқоридаги расмда акс этиб турган манзара тарихга айланиши мумкин. Умид қиламизки, “Хоразм” аввалги мавқеини тиклаб олади ва кучлилар қаторига қайтади.
P.S. Яна бир норасмий хабарларга кўра, Бухоро вилоятида ҳам ҳоким ҳаракатга келган. Стадион масаласида бу ерлардан ҳам янгиликлар бўлиб қолиши мумкин шекилли”, деб ёзади Имомхўжаев.
