Жамоалар яқин вақт ичида янги мавсум тайёргарликларини бошлашади.
Аксарият жамоалар Янги йил байрамидан олдин ҳам ўз қароргоҳида йиғин ўтказишни режалаштирмоқда.
Ортда қолган мавсумни анча барқарор равишда ўтказган Бекободнинг “Металлург” жамоаси 24-29 декабрь кунлари Қибрайда машғулотлар олиб боради. Сўнгра футболчиларга қисқа муддатли дам берилади.
Андрей Шипилов шогирдлари 10-24 январь кунлари илк хориж йиғини ташкил этишни режалаштирган. Жамоа дастлабки хориж ўқув-машғулот йиғинини Украинада ўтказади. Четдаги иккинчи йиғин эса 1-14 февраль кунлари Туркияда бўлиб ўтади.
