Тошкентнинг “Пахтакор” клуби ярим ҳимоячиси Азим Аҳмедов фаолиятини “Навбаҳор”да давом эттириши мумкин. Бу ҳақда сайтимиз ходими Жалолиддин Қобилжонов хабар бермоқда.
Маълумотларга кўра, наманганликлар келаси мавсум ҳам фақат ва фақат чемпионлик учун курашмоқчи ва мавсум олдидан таркибини сезиларли даражада кучайтиришмоқчи. “Лочинлар” бош мураббийи Андрей Канчельскис ўз жамоасида “шерлар” футболчиси Азим Аҳмедовни кўрмоқчи.
Эслатиб ўтамиз, Азим Аҳмедов аввал ҳам “Навабаҳор” сафида тўп сурган. Шунингдек, “Навбаҳор” “Пахтакор” билан шартномаси якунига етган ҳужумчи Игорь Сергеевга ҳам жиддий қизиқиш билдирмоқда.
