Ўзбекистон футбол ассоциацияси ҳузуридаги ҳудудий болалар ва ўсмирлар футбол академиялари фаолиятини тўғри йўлга қўйиш, уларнинг самарадорлигини ошириш, академиялар тарбияланувчиларидан маҳоратли футболчилар етишиб чиқишини таъминлаш мақсадида бир қатор чора-тадбирлар амалга оширилмоқда.
Жумладан, 21 декабрь куни Андижон шаҳрида академияларнинг спорт ишлари бўйича директор ўринбосарлари ҳамда таҳлилчилари учун ўқув-семинари бошлангани ҳақида аввал хабар бериб ўтгандик.
Семинарнинг иккинчи кунида иштирокчиларга академия тарбияланувчилари машғулотларини қандай тасвирга олиш ва тасвирган олинган материалдан қай тарзда фойдаланиш бўйича амалий кўрсатмалар бериб ўтилди. Видеоёзувларни таҳлил қилиш орқали ёш футболчиларнинг ўйини, жисмоний ҳолати, майдондаги ҳаракатлари бўйича мураббийлар тегишли хулоса чиқаришлари осон бўлади.
Мазкур ўқув-семинари 23 декабрга қадар давом этади.