Тайланд терма жамоаси бош мураббийи Милован Раевац Осиё кубоги мусоабақасидан олдин ўз фикрлари билан бўлишди.
“26 декабрь куни Thai-Honda стадионида машғулот ўтказамиз ва шундан сўнг 30 декабрь куни БААга йўл оладиган футболчилар рўйхатини эълон қиламан.
Ўртоқлик ўйинлари? Албатта, мусобақа олдидан оғир ўйин ўтказишни истамаймиз, лекин футболчилар билан тактика борасида келишиб олишимиз керак.
Бошида Непал билан ўйнамоқчи эдик аммо улар таклифга рад жавобини беришди. Биз БААда Уммон билан ёпиқ эшиклар ортида ўртоқлик ўйинида майдонга тушамиз.
Айнан шу ўйин “А” гуруҳидаги Баҳрайнга қарши 1-тур ўйинига терма жамоа ҳолатини кўрсатиб беради”, дейди Раевац.
Тайланд мусобақада “А” гуруҳидан ўрин олган бўлиб, улар БАА, Ҳиндистон ва Баҳрайн термаларига қарши баҳслашади.
