АГМК клуби билан шартнома имзолаган Миржалол Қосимов янги жамоасидаги илк фикрларини билдирди.
“Авваламбор АГМК раҳбариятига таклиф учун ўз миннатдорчилигимни билдираман. Мураббийлик иши шунақа. Баъзида ўзгаришлар кузатилади. Ман ҳамкасбим Бахтиёр Ашурматовни яхши биламан, биз мураббийлар ўртасида ҳурмат ҳамиша сақланиб қолади. Ашурматовнинг кейинги мураббийлик фаолиятига омад тилайман.
Нима дейишим мумкин, АГМК янги мавсумда ўз олдига юқори мақсад қўйганлигини Улуғбек Набижонович айтиб ўтдилар. Шундай экан барча бир жамоа бўлиб ишлаш керак. Майдонда футболчилар тўп суришади. Улар учун барча шароитни яратиш ва ҳар бир ходим ўзига юклатилган ишни сидқидилдан бажарса натижа ҳам келаверади.
Вақт оз қолмоқда, раҳбарият томонидан ишонч билдириляптими, бунга муносиб жавоб қайтариш лозим. Тайёргарлик режасини тез орада ҳавола этамиз. Менга барчангизга яхши таниш бўлган мураббийлар Александр Волков, Ҳикмат Эргашев, Хайрулла Каримов ва Павел Бугалолар кўмаклашишади”, - дейди Миржалол Қосимов.
