“Бухоро” футбол клуби 1989 йил “Нурафшон” номи остида ташкил этилган ва жамоа 1997 йилга қадар “Нурафшон” номида фаолият юритган.
Бухоро шаҳри бош жамоаси мустақил Ўзбекистоннинг дастлабки чемпионатларида анча муваффақиятли мавсумлар ўтказган. Жумладан, биринчи марта ўтказилган миллий чемпионатда “Бухоро” сенсацион тарзда тўртинчи ўринни эгаллашга муваффақ бўлган. 1993 йилда бешинчи ўринни эгаллаган жамоа, 1994 йилда кумуш медалларга эга чиқади. Мазкур натижа ҳозирга қадар “Бухоро” учун миллий чемпионатимизда қайд этилган энг яхши натижа сифатида эътироф этиб келинади.
Қайд этиш жоизки, “Бухоро” клуби 2009 йилгача Ўзбекистон Олий лигасида мунтазам равишда қатнашиб келган. Лекин ўша йили жамоа 15 ўринни эгаллаб, Биринчи лигага тушиб кетган.
2010 йилги мавсумда “Бухоро” Биринчи лигада биринчи ўринни эгаллаб, Олий лигага қайтди. 2011 йилдан буён Ўзбекистон чемпионати элитасида мунтазам иштирок этиб келмоқда.
“Бухоро” сўнгги икки мавсумда мусобақа жадвалида 6-поғонани банд этди.
Эришган натижалари
Ўзбекистон чемпионати вице-чемпиони (1994)
Жамоада тўп сурган машҳур футболчилар:
Усмон Тошев
Мустафа Белялов
Улуғбек Бақоев
Виктор Карпенко
Геннадий Шарипов
Владимир Шишелов
Игорь Иванов
Темур Султонов
Ринат Сайфулин
Муҳсин Муҳаммадиев
Бахтиёр Ҳожиаҳмедов
Павелс Леус
Артурас Фоменко
Тадас Гражюнас
Предраг Вуйович
Жамоани бошқарган машҳур мураббийлар:
Мустафа Белялов
Ислом Аҳмедов
Ҳаким Фузайлов
Усмон Тошев
Рауф Инилеев
Геннадий Кочнев
Тачмурад Агамурадов
Эдгар Гесс
