Осиё кубоги гуруҳ босқичи 2-туридан ўрин олган Туркманистон – Ўзбекистон (0:4) ўйинидан сўнг терма жамоамиз ярим ҳимоячиси Достон Ҳамдамов ўйин ҳақидаги фиклари билан ўртоқлашди.
“Мухлислар кутган ўйинни намойиш қила олдик деб ўйлайман. Бу мусобақага кучсиз жамоанинг ўзи келмаган. Бу ўйинда ғалаба қозонишимиз шарт эди. Стадионда бизни 90 дақиқа қўллаб-қувватлаб турган мухлисларга катта раҳмат айтаман.
Кейинги ўйинда ҳам ғалаба қозониб, мухлисларимизни хурсанд қилмоқчимиз. Японияга қарши бизни қизиқарли ўйин кутяпти”,-дейди Достон Ҳамдамов.
Жалолиддин Қобилжонов ёзиб олди.
