Бирлашган Араб Амирликларида давом этаётган Осиё кубогида Ўзбекистон миллий жамоасини кўплаб ватандошларимиз қўллаб-қувватлашмоқда. Эътиборли томони, ўзбекистонликлар ҳар бир ўйиндан кейин хайрли ишга қўл уришмоқда.
Улар баҳс якунлангач ўзлари ўтирган стадион трибунасини тозалаб, чиқиндиларни ўзлари билан олиб чиқиб кетишмоқда. Ҳамюртларимиз дастлаб бундай ишни 9 январь куни Шаржадаги "Шаржа" стадионида, сўнгра 13 январь куни Дубайдаги "Рашид" ўйингоҳида бажаришди.
Хабарингиз бор, Россияда бўлиб ўтган ЖЧ-2018 пайтида Япония терма жамоаси мухлислари мана шундай ишлари орқали барчани қойил қолдиришганди.
