Янги мавсумга тайёргарлик кўраётган "Бунёдкор" 30 январь санасида академия майдонида "Андижон" билан ўртоқлик ўйинида майдонга чиқди.

Айтиш мумкинки, Абрамов назорат ўйини бўлгани учун икки таймда икки хил таркибни майдонга чиқаришга қарор қилди.

Дастлабки бўлимнинг 36-дақиқасида Владислав Нуриев рақиб дарвозасини ишғол қилди. Иккинчи бўлим 48-дақиқада Санжар Рихсибоев пенальтидан гол киритиб ҳисобни 2-0 га айлантирди.

Андижонликлар ўйиннинг 78-дақиқасида ҳисобни қисқартиришди: қанотдан оширилган тўпни Сардор Сулаймонов боши билан Абдумавлон Абдужалилов дарвозасини ишғол қилди. Якуний ҳисоб: 2-1 "Бунёдкор" ғалаба қозонди.

НАЗОРАТ УЧРАШУВИ

"Бунёдкор" - "Андижон" 2-1

Голлар: Владислав Нуриев(36'), Санжар Рихсибоев(48') - Сардор Сулаймонов(78')