Биласиз, айни пайтда барча жамоалар янги мавсумга қизғин ҳозирлик жараёни олиб боришмоқда.
Янги мавсумда ўз олдига жиддий мақсадлар қўяётган Бекободнинг “Металлург” жамоаси ҳозирда Туркиянинг Анталия шаҳрида ўқув-машғулот йиғини ўтказмоқда. Бекободликлар бугун йиғин доирасидаги иккинчи назорат учрашувини ўтказишди.
Бу сафар “Металлург”га жорий мавсумдан бошлаб Болгариянинг иккинчи дивизионида қатнашаётган “ЦСКА 1948” клуби рақиблик қилди.
Болгар клуби Facebook саҳифаси ёзилишича, 2016 йилда қайтадан ташкил этилган “ЦСКА 1948” клуби учун ушбу учрашув янги тарихдаги халқаро мақомдаги илк ўртоқлик ўйини бўлди. Қизиқарли кечган ўйин тақдирини ҳал этган голга Александр Александров муаллифлик қилди ва ўйин болгар жамоаси фойдасига ҳал бўлди.