Осиё чемпионлар лигаси 2-саралаш босқичидан ўрин олган “Пахтакор” ҳамда “Эй Форс” жамоалари ўртасидаги баҳс якунланди. Мазкур ўйинда “шерлар” 2:1 ҳисобида ғалаба қозониб, кейинги босқичга йўл олди. Ўйиндан кейин Шота Арвеладзе ва Марат Бикмаев матбуот анжуманида саволларга жавоб берди.
Арвеладзе: - Мухлисларга раҳмат айтаман. Улар ажойиб муҳит ҳосил қилишди. Трибунанинг қўллашини ҳис қилиб турдик. Биз биринчи расмий ўйинни ўтказдик, тўлиқ ташаббусга эга бўлдик.
Бикмаев: - Ишқибозлардан миннатдормиз. Ўйинда зафар қучишни мақсад қилгандик ва буни уддаладик
Арвеладзе: - Қулай вазиятлардан фойдалана олмадик. Лекин қийинроқ ҳолатларда гол урганимиз сифат ва иш ҳажмини кўрсатиб берди.
- Иккинчи бўлимда ўйинни тўлиқ назорат қилдик. Рақибда иккинчи бўлимда биргина имконият бўлди. Ҳамдамов захирадан тушиб ўйинни кучайтирди, яхши киришиб кетди.
Яхшибоев йиғинда ўзини кўрсатди. Бугун имкон қадар фойда келтиришга ҳаракат қилди. Ҳали кучлироқ ўйнай олади. Ҳар бир футболчи ўзини яхши тарафдан намойиш этишга интилди.
