Мавсум яқинлашган сари Суперлига клублари ҳам асосий, ҳам ёшлар таркиблари ўйинини шакллантиришга катта аҳамият қаратмоқда.

Бекободнинг “Металлург” жамоаси ёшлари бугун сафарда,  қўшни Тожикистон Республикасида бу йил ҳисобидан учинчи халқаро ўртоқлик учрашувини ўтказди.

Бу сафар бекободлик ёшлар Тожикистон Республикасининг ўтган йилги вице-чемпиони “Хўжанд” жамоаси билан куч синашиб, дурангга рози бўлишди. Қизиарли ва муросасиз курашлар остида кечган ўйинда ҳисоб очилмади.

“Хўжанд” ўтган йилги мавсумда Тожикистон Республикаси миллий чемпионати олий лигасида 21 та ўйинда майдонга чиқиб, 14 та ғалаба, 4 та дуранг, 3 та мағлубият билан 46 очко жамғарган ҳолда иккинчи ўринни эгаллаганди.

Кечагина Осиё чемпионлари лигаси иккинчи раунд саралаш учрашувида пойтахт вилоятининг АГМК жамоасига рақиблик қилган “Истиқлол” “Хўжанд”ни 5 очкога ортда қолдириб кетганди.

Тожикистон вице чемпионига қарши ўйинни “Металлург” қуйидаги таркибда ўтказди: Азиз Маҳмудов, Ҳасан Ҳасанов, Фаррух Содиқов, Жасур Раҳимов, Абдувоҳид Ғуломов, Муҳриддин Ботиров, Иброҳим Турғунбоев, Шаҳзод Ғофурбеков, Дониёр Ҳошимов, Фарҳод Ўткиров.

Заҳирадан майдонга тушганлар: Дварон Анваров, Азамат Абдусатторов, Ҳазрат Турсунқулов, Жасур Рустамов, Ҳусан Ҳасанов.