Мана ОЧЛнинг бошланишига ҳам оз вақт қолмоқда! Қувонарлиси шундаки, юртимизнинг «Локоматив» ва «Пахтакор» клублари ҳам ушбу турнирда иштирок этади.
«Локоматив»
Яқиндагина «Супер кубок»да зафар қучган клубимиз ҳозирда оптимал формага кириб бормоқда. Мавсум бошланмагани ва рақиб чемпионатлари авжида эканлигини энди ҳам важ қилиб кўрсатиш, менимча, чемпионимизга ярашмаса керак! Андрей Фёдров шогирдлари мавсумга яхши тайёрланиши учун раҳбарият ҳамма имкониятларни яратиб берди. Биз эртанги учрашувда клубимиздан ғалаба кутиб қоламиз!
Ал-Ваҳда
БАА клубининг ички чемпионатида ўртача иштирок этмоқда ва 5-поғонада бормоқда. 64 ёшлик голландиялик мураббий Ҳенк тен Кате қўл остида клуб 2018-йилдан бери шуғулланиб келмоқда. Бу мутахасис Европанинг бир нечта гранд клубларида ёрдамчи мураббий сифатида ишлаган ва яхшигина тажрибага эга. Араб клубларига ҳос бўлган кучли легионерлар бу клубда ҳам бир нечта топилади. Аргентиналик Таглиабуэ, Марокашлик Батна, Бразилиялик Леанардо сўзимизга исбот бўла олади. Клуб ўз уй учрашувларини «Ал Наҳян» стадионида ўтказади. Жамоа сўнгги учта учрашувнинг иккитасида ғалаба қозонган бўлса, бир бор мағлубиятга учраган. Клуб тўп билан кўпроқ муомалада бўлишни, ва комбинацион ҳужумлар уюштиришни хуш кўради ва чиройли футбол тарафдори.
Эртанги учрашув ҳақида
«Локомотив» ўтган мавсумдаги ОЧЛ баҳсларида уйда бой берилган очколар сабабли гуруҳда қолиб кетган эди. Бу мавсум ушбу хатони такрорламаслик учун илк учрашувда 3 очко олиш шарт. «Темир йўлчилар»га эртанги учрашувда ғалаба тилаб қоламиз.
Умар Али Шонодиров.
