Mana OCHLning boshlanishiga ham oz vaqt qolmoqda! Quvonarlisi shundaki, yurtimizning «Lokomativ» va «Paxtakor» klublari ham ushbu turnirda ishtirok etadi.
«Lokomativ»
Yaqindagina «Super kubok»da zafar quchgan klubimiz hozirda optimal formaga kirib bormoqda. Mavsum boshlanmagani va raqib chempionatlari avjida ekanligini endi ham vaj qilib ko‘rsatish, menimcha, chempionimizga yarashmasa kerak! Andrey Fyodrov shogirdlari mavsumga yaxshi tayyorlanishi uchun rahbariyat hamma imkoniyatlarni yaratib berdi. Biz ertangi uchrashuvda klubimizdan g‘alaba kutib qolamiz!
Al-Vahda
BAA klubining ichki chempionatida o‘rtacha ishtirok etmoqda va 5-pog‘onada bormoqda. 64 yoshlik gollandiyalik murabbiy Henk ten Kate qo‘l ostida klub 2018-yildan beri shug‘ullanib kelmoqda. Bu mutaxasis Yevropaning bir nechta grand klublarida yordamchi murabbiy sifatida ishlagan va yaxshigina tajribaga ega. Arab klublariga hos bo‘lgan kuchli legionerlar bu klubda ham bir nechta topiladi. Argentinalik Tagliabue, Marokashlik Batna, Braziliyalik Leanardo so‘zimizga isbot bo‘la oladi. Klub o‘z uy uchrashuvlarini «Al Nahyan» stadionida o‘tkazadi. Jamoa so‘nggi uchta uchrashuvning ikkitasida g‘alaba qozongan bo‘lsa, bir bor mag‘lubiyatga uchragan. Klub to‘p bilan ko‘proq muomalada bo‘lishni, va kombinasion hujumlar uyushtirishni xush ko‘radi va chiroyli futbol tarafdori.
Ertangi uchrashuv haqida
«Lokomotiv» o‘tgan mavsumdagi OCHL bahslarida uyda boy berilgan ochkolar sababli guruhda qolib ketgan edi. Bu mavsum ushbu xatoni takrorlamaslik uchun ilk uchrashuvda 3 ochko olish shart. «Temir yo‘lchilar»ga ertangi uchrashuvda g‘alaba tilab qolamiz.
Umar Ali Shonodirov.
