Осиё чемпионлар лигаси гуруҳ босқичи 2-туридан ўрин олган “Пахтакор” – “Ал-Аҳли” учрашуви мезбонларнинг ғалабаси билан тугади.
Ўйиндан сўнг “шерлар” ҳужумчиси Марат Бикмаев фикрларини билдириб ўтди.
“Бугун кучли жамоага қарши ўйнадик. Ғалаба қозониб, биз ҳам кучли эканимизни кўрсатдик. Бизни олдинга чорлаб турган ишқибозларга раҳмат айтаман.
Улар кўпроқ бўлса, янада яхши ўйнаймиз. Ҳужумда биргина мен ўйнамаяпман. Черан билан ўрин алмаштириб, ўрнимизни тўлдириб ўйнамоқдамиз. Баъзан у менинг ўрнимга ўтиб ҳаракат қилмоқда”, - дейди Бикмаев.
