«Барселона» ҳужумчиси Усмон Дембеле Европа чемпионлар лигаси доирасида «Лион»га қарши ўйинда жароҳат олганди.
Каталонияликлар расмий сайтининг хабар тарқатишича, футболчининг чап оёғи сон қисмидаги мушагида чўзилиш рўй берган. Шу боис, Дембеле 3-4 ҳафта давомида майдонга туша олмайди.
Усмон Дембеле ушбу мавсумда «Барселона» сафида 35та ўйинда майдонга тушиб, 14та гол урди ва 8та голга ассистентлик қилди.