Биласиз, ушбу ҳафта сўнггида  Суперлигада 4-тур учрашувлари бўлиб ўтади.  

Суперлига номи остида ўтадиган 2019 йилги мавсумидан бошлаб, ҳар бир тур учрашувларида жамоаларнинг қандай рангдаги либосда майдонга чиқишлари Профессионал футбол лигаси томонидан белгилаб берилмоқда. Бунда мезбон жамоанинг ўз майдонида мухлислари қаршисида тўп суриши инобатга олиниб, биринчи галда мезбон клубнинг асосий рангидаги либосда ҳаракат қилиши аҳамият касб этади. Шу боисдан ҳар бир клуб янги мавсум учун уй ва сафар либосларини бир-биридан кескин фарқ қиладиган тарзда танлашларига урғу берилди.

4-тур доирасида Қаршида “Насаф” — “Навбаҳор” қарама-қаршилиги кузатилади. Мазкур баҳсда “аждарлар” анъанавий кўк-кўк-кўк либосларда майдонга чиқишади. “Лочинлар” эса тўлиқ қизил либосда ҳаракат қилишади. 

Таъкидлаш жоиз, “Насаф” — “Навбаҳор” учрашуви 12 апрель, жума куни соат 19:15да бўлиб ўтади.