"Барселона"нинг чемпионликни расмийлаштириш масаласи кейинги турга қолдирилди. Боиси, "Атлетико" ўз майдонида "Валенсия" устидан ғалаба қозонди.

Майдон эгалари ўйинни фаоллик билан бошлаб, баҳснинг 9-дақиқасида Моратанинг голи эвазига ҳисобни очишди. Биринчи бўлимнинг ўзида "матрасчилар" ҳисобдаги фарқни оширишлари мумкин эди. "Кўршапалаклар" посбони қийин вазиятда жамоасини муқаррар голлардан қутқарди. Биринчи бўлимга тугашига 9 дақиқа қолганида меҳмонлар Гамейронинг голи орқали ҳисобни тенглаштиришди.

Иккинчи бўлим бошида Гризманн аниқ зарба билан яна "Атлетико"ни олдинга олиб чиқди. Ўйин тугашига 13 дақиқа қолганида "Валенсия" пенальти ишлади ва Парехо уни аниқ амалга оширди.

Орадан атиги 4 дақиқа ўтиб ажойиб зарба билан "Атлетико"га ғалаба келтирган гол муаллифига айланди.

Мавсум тугашига 4 тур қолганида Симеоне жамоаси ва "Барселона" ўртасидаги фарқ 9 очкони ташкил қилмоқда. Каталонияликлар шанба куни ўз майдонларида "Леванте"ни мағлуб этишса, навбатдаги чемпионликни нишонлайди.

Испания Ла лигаси, 34-тур
Атлетико – Валенсия 3:2 (1:1, 2:1)
Голлар: 1:0 – 9 Мората, 1:1 – 36 Гамейро, 2:1 – 49 Гризманн, 2:2 – 77, пенальти Парехо, 3:2 – 81 Корреа.
Атлетико – Облак, Хуанфран, Годин, Филипе Луис (Корреа, 64), Савич, Родри Эрнандес, Коке, Сауль, Лемар (Парти, 71), Гризманн, Мората (Арьяс, 84).
Валенсия – Нето, Диакаби, Гарай, Гайя, Коклен, Васс, Гедеш (Собрино, 59), Солер, Парехо, Санти Мина, Гамейро.
Огоҳлантиришлар: Солер (22), Мората (47), Филипе Луис (56), Собрино (73), Сауль (76), Диакаби (90).