"Barselona"ning chempionlikni rasmiylashtirish masalasi keyingi turga qoldirildi. Boisi, "Atletiko" o‘z maydonida "Valensiya" ustidan g‘alaba qozondi.

Maydon egalari o‘yinni faollik bilan boshlab, bahsning 9-daqiqasida Morataning goli evaziga hisobni ochishdi. Birinchi bo‘limning o‘zida "matraschilar" hisobdagi farqni oshirishlari mumkin edi. "Ko‘rshapalaklar" posboni qiyin vaziyatda jamoasini muqarrar gollardan qutqardi. Birinchi bo‘limga tugashiga 9 daqiqa qolganida mehmonlar Gameyroning goli orqali hisobni tenglashtirishdi.

Ikkinchi bo‘lim boshida Grizmann aniq zarba bilan yana "Atletiko"ni oldinga olib chiqdi. O‘yin tugashiga 13 daqiqa qolganida "Valensiya" penalti ishladi va Parexo uni aniq amalga oshirdi.

Oradan atigi 4 daqiqa o‘tib ajoyib zarba bilan "Atletiko"ga g‘alaba keltirgan gol muallifiga aylandi.

Mavsum tugashiga 4 tur qolganida Simeone jamoasi va "Barselona" o‘rtasidagi farq 9 ochkoni tashkil qilmoqda. Kataloniyaliklar shanba kuni o‘z maydonlarida "Levante"ni mag‘lub etishsa, navbatdagi chempionlikni nishonlaydi.

Ispaniya La ligasi, 34-tur
Atletiko – Valensiya 3:2 (1:1, 2:1)
Gollar: 1:0 – 9 Morata, 1:1 – 36 Gameyro, 2:1 – 49 Grizmann, 2:2 – 77, penalti Parexo, 3:2 – 81 Korrea.
Atletiko – Oblak, Xuanfran, Godin, Filipe Luis (Korrea, 64), Savich, Rodri Ernandes, Koke, Saul, Lemar (Parti, 71), Grizmann, Morata (Aryas, 84).
Valensiya – Neto, Diakabi, Garay, Gayya, Koklen, Vass, Gedesh (Sobrino, 59), Soler, Parexo, Santi Mina, Gameyro.
Ogohlantirishlar: Soler (22), Morata (47), Filipe Luis (56), Sobrino (73), Saul (76), Diakabi (90).