Coca Cola Суперлига 6-тури доирасида Самарқанднинг “Динамо” жамоаси Наманганнинг “Навбаҳор” клубини қабул қилади.
Мазкур жамоалар шу кунгача Суперлига (олий лига) баҳсларида 46 марта ўзаро рўбарў келишган. Ушбу ўйинларда наманганликлар 25, “кўҳна шаҳарликлар” эса 13 марта зафар қучишган бўлса, 8та учрашувда дуранг қайд этилган. Тўплар нисбати – 82-41, “Навбаҳор” фойдасига.
Ўзаро ўйинларда “лочинлар” 83, “арслонлар” эса 47 очкони қўлга киритишган.
Ушбу клублар ўртасидаги ўйинларда энг йирик ҳисоб 1999 йили Наманганда қайд этилган. Ўша йили “Навбаҳор” “Динамо” устидан 7:1 ҳисобида зафар қучганди.
Эътиборлиси, самарқандликлар шу пайтгача наманганликларни йирик ҳисобда мағлубиятга учрата олишмаган.
Мазкур жамоаларнинг Самарқандда кечган 2017 йилги сўнгги баҳсида “лочинлар” Наманганга 1:0 ҳисобидаги ютуқ билан қайтишганди.
Эртанги ўйинда ҳам севимли жамоамиз ўша ижобий натижани такрорлаб, ғалабали одимини давом этттиришини Яратгандан тилаб қоламиз.
“Навбаҳор“ ПФК матбуот хизмати.
