Coca Cola Superliga 6-turi doirasida Samarqandning “Dinamo” jamoasi Namanganning “Navbahor” klubini qabul qiladi.
Mazkur jamoalar shu kungacha Superliga (oliy liga) bahslarida 46 marta o‘zaro ro‘baro‘ kelishgan. Ushbu o‘yinlarda namanganliklar 25, “ko‘hna shaharliklar” esa 13 marta zafar quchishgan bo‘lsa, 8ta uchrashuvda durang qayd etilgan. To‘plar nisbati – 82-41, “Navbahor” foydasiga.
O‘zaro o‘yinlarda “lochinlar” 83, “arslonlar” esa 47 ochkoni qo‘lga kiritishgan.
Ushbu klublar o‘rtasidagi o‘yinlarda eng yirik hisob 1999 yili Namanganda qayd etilgan. O‘sha yili “Navbahor” “Dinamo” ustidan 7:1 hisobida zafar quchgandi.
E’tiborlisi, samarqandliklar shu paytgacha namanganliklarni yirik hisobda mag‘lubiyatga uchrata olishmagan.
Mazkur jamoalarning Samarqandda kechgan 2017 yilgi so‘nggi bahsida “lochinlar” Namanganga 1:0 hisobidagi yutuq bilan qaytishgandi.
Ertangi o‘yinda ham sevimli jamoamiz o‘sha ijobiy natijani takrorlab, g‘alabali odimini davom etttirishini Yaratgandan tilab qolamiz.
“Navbahor“ PFK matbuot xizmati.
