“Сўғдиёна” – “Пахтакор” учрашувидан сўнг меҳмонлар устози Шота Арвеладзе қуйидагича фикр билдириб ўтди:
- Олдиндан кутганимдек анча мураккаб ўйин бўлди. Лекин бутун ўйин давомида рақибга умуман имконият бермадик. Хатто рақиб дарвозамизга бирор хавфли зарба йўллаганини ҳам эслай олмайман. Иккинчи бўлимда бурчакдан битта зарба бўлди, ва асосан бир-иккита бурчак тўплари. Умуман олганда, бутун баҳсни назоратимиз остида ўтказдик. Иккинчи таймда жуда кўплаб қулай вазиятларимиз бўлди. Якунда эса 2 та вазиятдан унумли фойдаландик, - деди мутахассис.
