“Бавария” ҳужумчиси Томас Мюллер айни дамдаги бош мураббий Нико Ковач билан тил топишолмаяпти ва шунинг учун бошқа мураббий қўл остида ўйнамоқчи. 

Kicker нашрининг хабар беришича, германиялик футболчининг хизматига “Милан”, “Интер” ва Англия клублари қизиқиш билдирмоқда. 

Маълумот ўрнида, 29 ёшли футболчи “Бавария”да 2009 йилдан  бери ўйнаб келмоқда. 

Жорий мавсум Мюллер 41 та ўйинда майдонга тушиб, 9 та гол ва 14 та голга ассисентлик қилди.