Ярим ҳимоячи Орельен Тчуаменининг «Реал»даги келажаги сўроқ остида турибди.

Defensacentral нашри берган маълумотларга кўра, Мадрид клуби француз футболчисини шу ёзда албатта сотиб юборилиши керак бўлган ўйинчилар қаторига киритмаяпти. «Қаймоқранглилар» хавбек трансфери бўйича фақат 120 миллион евродан кам бўлмаган таклифларнигина кўриб чиқишга тайёр. Тчуаменини ўз сафига қўшиб олишга ҳанузгача «Манчестер Юнайтед» қизиқиш билдирмоқда ва манкунианликлар унинг маош бўйича талабларини қондиришга тайёр.

Орельен Тчуамени 2022 йилда «Монако»дан «Реал»га 80 миллион евро эвазига ўтган эди. Унинг мадридликлар билан шартномаси 2028 йилнинг 30 июнига қадар мўлжалланган. 2025/26 йилги мавсумда ярим ҳимоячи Мадрид клуби сафида барча мусобақаларда 49 та ўйинда майдонга тушиб, 2 та гол урди ва 2 та голли узатмани амалга оширди.