Италиялик посбон Жанлуиджи Буффон яна бир йил "ПСЖ" сафида қолиши мумкин. Бу ҳақда футболчининг ўзи хабар тарқатди.
"Клуб менга шартномани узайтириш борасида таклиф берди. Бу мени қувонтирди. Бу жуда ёқимли. Бир неча кундан кейин бу масалани муҳокама қилиш мақсадида учрашамиз ва бир тўхтамга келамиз.
Мен Парижда бахтлиман! 40 ёшга тўлганимга қарамай, мен катта тажрибага эгаман", — деди Буффон.
Буффон ва "ПСЖ" ўртасида тузилган шартнома ушбу мавсум охирида якунига етаётган эди. У мазкур мавсумда парижликлар сафида 24та ўйинда майдонга тушиб, 22та гол ўтказиб юборди. Тўққизта ўйинда у дарвоза дахлсизлигини сақлаб қолди.