"Атлетико" Жоао Фелиш учун умумий 126 млн евро тўлади, аммо "Бенфика" 120 млн евро олади, холос. 6 млн евро молиявий харажатларга кетади.

Шу сабабли португалиялик 19 ёшли футболчининг трансфер суммаси 120 млн евро деб қайд этилади.

Фелишнинг трансфери - футбол тарихида энг қиммат бўлган трансферлар рейтингида тўртинчи бўлди.

Ундан юқорида Неймар ("ПСЖ", 222 млн евро), Килиан Мбаппе ("ПСЖ", 180 млн) ва Филипе Коутиньо ("Барселона", 120 млн) турибди.

Шунингдек, Фелиш португалияликлар орасида энг қиммат футболчига айланди. "Атлетико"нинг янги ўйинчиси Роналдунинг рекордини янгилади. Бир йил аввал туринликлар уни 117 млн евро эвазига "Реал"дан сотиб олган эдилар.