«Копа Америка» мусобақаси якунлангач, Месси томонидан мусобақа кескин танқид қилинганидан хабарингиз бор. Айнан шу интервьюдан сўнг аргентиналик футболчи катта босим остида қолиб кетди. Хатто уни 2 йилга терма жамоа учрашувларида иштирок этиш ҳуқуқидан маҳрум қилиш жазоси қўлланиши ҳам ҳеч гап эмас. Месси томонидан Бразилия футболи ва ҳакамлик борасида айтилган сўзлардан сўнг Неймар собиқ жамоадошига жавоб берди. Бугун эътиборингизга аввалига Мессининг интервьюсини тўлиқ шакилда, сўнгра Неймар томонидан айтилган фикрларни ҳавола этамиз.

Месси

2 та қизил карточка кўрсатилган вазиятда ҳакам қўпол хатога йўл қўйди. Нари борса, сариқ карточка кўрсатиши шарт эди. Энг асосийси, терма ўз фаолиятини кўнгилдагидек якунлади. Шундай бўлсада, ҳакамнинг қарорини қайта кўриб чиқиш зарур деган фикрдаман. Афсуски, бундай ҳакамларга ВАР ҳам ёрдам бера олмайди. Мен четлатилганим сабабли бироз қизишиб кетган бўлсамда, хотиржамлигимни сақлаб турибман. Мен тақдирлаш маросимида атайин иштирок этмадим. Нега дейсизми? Мен бу пора аралашган мусобақанинг бир бўлаги бўлишни истамадим, холос. Биз ўзимиз кутган натижага эриша олмаган бўлсакда, ўзимизнинг ўйинимиз билан финалдаги жамоалардан заррача қолишмадик деб ҳисоблайман. Сабаби, биз ўйиндан-ўйинга қўшиб бораётган эдик. Яна қайтараман, пора  ва ноҳақ ҳакамлик туфайли мухлислар учрашувлардан роҳатлана олишмади. Мен Бразилия чемпион бўлишига заррача шубха қилмаган эдим. Сабаби, бу мусобақа айнан шу мақсадда ташкиллаштирилгани аввалдан маълум бўлиб қолди. Перуга финалда ВАР ҳам ёрдам бера олмаслиги кундек равшан эди.

Медел

Мен Месси билан тўқнаш келган вазиятимизда сариқ карточка беришлари ҳақида ҳам  ўйламаган эдим. Ҳакам эса  бирданига қизил карточкаларни кўрсатди ва бизни майдондан четлатди. Тўғриси, бундай кичик эпизод учун майдондан четлатмасдан ҳам вазиятни бошқарувда ушлаб туриш мумкин эди.

Конемол матбуот маркази

Бу футбол. Унда баъзан ғалаба, баъзан эса мағлубият. Ҳалол ўйиннинг асосий омили бу мағлубиятни чиройли тан ола билиш ва  ўртадаги ҳурматга путур етказмасликда. Мусобақада иштирок этган барча жамоалар орасида ҳеч қандай ноҳақликка йўл қўйилмади. Айрим баҳсли қарорлар сабабли  бутун бошли мусобақанинг шаънига ёқимсиз сўзларни айтиш турнирга бўлган улкан беҳурматлик сифатида қабул қилинади. Бу нафақат мусобақанинг, балки унинг ташкилотчилари ва «Конмебол»да фаолият олиб бораётган 100 дан ортиқ мутахассисларнинг меҳнатларини ерга урушдек бир гап. Бу ташкилот 2016 йилдан бери Жанубий Америкада футболнинг шаффофлигини таъминлаш йўлида тинимсиз меҳнат қилиб келмқода.

Неймар

Мен Месси томонидан Бразилия футболи ва келишилган учрашувлар  айтилган сўзларга қўшилмайман. Бу ғирт ёлғон. Тўғри,  бу мусобақа ҳакамлар бир неча бор қўпол хатоларга йўл қўйишди, аммо бу бутун бошли мусобақа ёмон ўтди дегани эмас. Бу каби хатолар бошқа қитъа чемпионатларида ҳам учраб туради. Бундан фалокат ясашнинг хожати йўқ.