Италиянинг Неаполь шаҳрида ёзги Универсиада ўйинлари давом этмоқда.

Теннисчиларимиз Ҳумоюн Султонов ва Санжар Файзиев эркаклар ўртасидаги яккалик баҳслари 4-давра ўйинларида ғалаба қозониб чорак финал йўлланмасини қўлга киритишди.

Тўртинчи давра ўйинида Ҳумоюн Султонов кипрлик Менелаос Эфстатиуга қарши кортга тушди.

Ўйин бошида ортда бораётган Ҳумоюн кейинчалик ўзини қўлга олиб, мусобақа натижасини ўз фойдасига ҳал қилди. Учрашувда 7/5 ва 6/2 ҳисобида ғалаба қозонган теннисчимиз чорак финалга йўл олди.

Санжар Файзиев тўртинчи давра ўйинини кореялик Сеонгчан Ҳонгга қарши ўтказди. Уч ярим соат давом этган баҳснинг биринчи сетда 6/7 ҳисобида кореялик теннисчининг қўли баланд келган бўлса, иккинчи сетда Санжар 7/6 ҳисобида ғалаба қозонди. Муросасиз баҳсларга бой бўлган ўйиннинг учинчи сетида 4/1 ҳисобида спортчимиз устун келаётган бир пайтда кореялик спортчи мағлубиятини тан олди.